Hurmatli fuqarolar! Kirib kelayotgan navroz muborak bo`lsin.

Navro‘z va muborak Ramazon oyida bayram dasturxoni uchun taom tayyorlash jarayonida gazdan foydalanish ortadi. Shu bois, xavfsizlik choralariga rioya qilish juda muhim. “Hududgaz Farg‘ona” gaz ta’minoti filiali sizlarga quyidagi tavsiyalarni eslatib o‘tadi:

1. Gaz uskunalaridan xavfsiz foydalaning

✅ Gaz plitalari, isitish qozonlari va suv isitish uskunalarini ishlatishdan oldin ularning sozligini tekshiring.

✅ Gaz yoqilgan holda plitalarni va qozonxonalarni qarovsiz qoldirmang. Taom pishirayotganda olov qozonning past qismiga mos tushishiga e’tibor bering.

✅ Gaz uskunalarini o‘zboshimchalik bilan ta’mirlash yoki o‘rnatish xavfli! Bu ishni faqat mutaxassislarga topshiring.

2. Xona havosini shamollatib turing

✅ Gaz asboblaridan foydalanilganda xona shamollatish tizimi (ventilyatsiya) ishlashi shart.

✅ Deraza va eshiklarni vaqt-vaqti bilan ochib, havoni yangilab turing.

3. Gaz hidi sezilsa, nima qilish kerak?

❌ Hech qanday elektr qurilmasini yoqmang yoki o‘chirmang! Chunki bu uchqun chiqarib, yong‘inga sabab bo‘lishi mumkin.

✅ Xona eshik va derazalarini ochib, gazni tarqating.

✅ Gaz kranini yoping.

✅ Zudlik bilan 104 yoki 1104 raqamiga qo‘ng‘iroq qilib, mutaxassislarni chaqiring.

4. Bayramda gazdan tejamkor foydalaning

✅ Taom pishirishda qozon qopqog‘ini yopib qo‘ying – bu gaz sarfini 30% gacha kamaytiradi.

✅ Zarur bo’lmasa gazni yoqib qo‘ymang va dasturxon tayyorlayotganda uni samarali ishlating.

✅ Isitish moslamalarini faqat zarurat bo‘lganda ishga tushiring.

Navro‘z va Ramazon oyini tinchlik va xavfsizlikda o‘tkazaylik! Gazdan ehtiyotkor va tejamkor foydalaning!

“Hududgaz Farg’ona” GTF Matbuot xizmati