Diqqat tanlov!

“Hududgaztaʼminot” AJ Sunʼiy intellekt asosida kontakt markaz (call-center) faoliyatini avtomatlashtirish bo‘yicha IT-kompaniyalarni jalb qilish uchun TANLOV EʼLON QILADI !

1. Loyihaning maqsadi va vazifalari:

Maqsad:

• Mijozlar bilan o‘zaro munosabatlarni soddalashtirish va xizmat ko‘rsatish jarayonlarini avtomatlashtirish.

• Telefon orqali murojaatlarni tezkor qabul qilish va qayta ishlash.

• Murojaatlar tahlilini real vaqt rejimida yuritish.

Vazifalar:

• Turli manbalardan (portallar, idoralar) kelgan murojaatlarni tahlil qilish.

• Mijozlarning standart savollariga avtomatik javob berish.

• 24/7 rejimda maslahat berish va navbat kutish vaqtini qisqartirish.

• Chet tillarda (o‘zbek va rus) muloqot qilish qobiliyati.

• Nutqni matnga aylantirish, IVR tizimini soddalashtirish.

• CRM, tahlil modullari va boshqa tizimlar bilan integratsiya.

• Avtomatik eslatmalar va chiquvchi qo‘ng‘iroqlar amalga oshirish.

2. Xizmat ko‘rsatish talablari

• Mutasaddi xodimlarni o‘qitish va tizimni sozlash.

• Dasturiy taʼminotga texnik xizmat ko‘rsatish.

• Optimal ishlashni taʼminlash, tezkor yordam va maslahat berish.

• Tizim samaradorligini kuzatish va tahlil qilish.

3. Xavfsizlik va maxfiylik talablari

• Barcha maʼlumotlar himoyalangan va ruxsatsiz kirishdan saqlangan bo‘lishi shart.

• Texnologiyadagi o‘zgarishlar qatʼiy nazorat qilingan holda amalga oshirilishi lozim.

• Barcha versiyalar va o‘zgarishlar yuritilishi va shaffof kuzatib borilishi kerak.

• Doimiy qo‘llab-quvvatlash va muammolarga tezkor javob berish mexanizmi mavjud bo‘lishi zarur.

4. Tanlov shartlari:

• IT-kompaniyalar o‘z tijorat takliflarini (loyiha konsepsiyasi va narxlari) elektron shaklda taqdim etishlari kerak.

• Hujjatlar qabul qilish muddati: eʼlon joylashtirilgan kundan boshlab 10 kun ichida.

• Tijorat takliflari va hujjatlar elektron tarzda qabul qilinadi.

Elektron manzil: info@hududgaz.uz

Aloqa uchun telefon: (+99871)-281-16-85 (ichki 3-43); (+99890)-134-30-03.

Manba: hududgaz.uz